ޙަބަރު
މާލޭ ސަރަޙައްދުގައި ފެން ޓެސްޓުކުރުމުގެ މަސައްކަތްތައް ކުރިއަށް ގެންދިއުން
އެންވަޔަރަންމަންޓަލް ޕްރޮޓެކްޝަން އެޖެންސީ
(އީޕީއޭ) އިން ގްރޭޓަރ މާލެ ސަރަޙައްދުގައި މޫދު ފެނުގެ ޙާލަތު ދެނެގަތުމައްޓަކައި
ފެން ޓެސްޓުކުރުމުގެ މަސައްކަތް ދިގު މުއްދަތަކަށް ކުރިއަށް ގެންދިއުމަށް ދަނީ ތައްޔާރުވަމުންނެވެ.
މިކަމާއި
ގުޅިގެން އޯޝަން ކަންޓްރީ ޕާރޓްނާޝިޕް ޕްރޮގްރާމް (އޯ.ސީ.ޕީ.ޕީ) ގެ އެހީއާއި އެކު
އީޕީއޭގެ މުވައްޒަފުން މި މަސައްކަތައް ތަމްރީނުކުރުމުގެ ޕްރޮގްރާމެއް ވަނީ
ހިންގިފައެވެ. އޯ.ސީ.ޕީ.ޕީ އަކީ ޔޫކޭ ސަރުކާރުގެ ފަރާތުން ބޭރު ގައުމުތަކަށް
ތަރައްޤީގެ އެހީ ފޯރުކޮށްދިނުމަށް ހިންގާ ޕްރޮގްރާމެކެވެ.
މި
ޕްރޮގްރާމްގެ ދަށުން މިދިޔަ އަހަރުގެ އޮކްޓޯބަރ މަހުގައި ގްރޭޓަރ މާލޭ
ސަރަހައްދުގެ އައުޓްފޯލްތަކާއި އެހެނިހެން ޚާއްސަ ސަރަޙައްދުތަކުގެ ފެން ނެގުމާއި
ފެން ތަހުލީލު ކުރުމުގެ ޙަރަކާތްތަކެއް އޯ.ސީ.ޕީ.ޕީ ގެ ޓީމަކުން ވަނީ ކުރިއަށް
ގެންގޮސްފައެވެ. މި ހަރަކާތުގައި އީޕީއޭއާއި މިނިސްޓްރީ އޮފް ކްލައިމެޓް ޗޭންޖް،
އެންވަޔަރަންމަންޓް އެންޑް އެނާޖީގެ ވޯޓަރ އެންޑް ސެނިޓޭޝަން ޑިޕާޓްމަންޓުން ވަނީ
ޢަމަލީގޮތުން ބައިވެރިވެ ތަމްރީނު ލިބިފައެވެ.
އީޕީއޭގެ
މުވައްޒަފުން މި ތަމްރީނުތަކުގައި ޢަމަލީގޮތުން ބައިވެރިވުމުގެ މައިގަނޑު
މަޤްޞަދަކީ، މުސްތަޤްބަލުގައި މި މަސައްކަތްތައް ގަވާއިދުން ކުރުމާއި، އަދި
މޮނިޓަރކުރުމުގެ މަސައްކަތް ދެމެހެއްޓެނިވި ގޮތެއްގައި ކުރިއަށް ގެންދިއުމަށް
ބޭނުންވާ މަޢުލޫމާތާއި ހުނަރު ހޯދުމެވެ. މި މަސައްކަތްތަކުގެ ސަބަބުން މާލޭ
ސަރަޙައްދުގެ ފެނުގެ ޙާލަތު ދެމެހެއްޓެނިވި ގޮތެއްގައި މޮނިޓަރ ކުރުމަށް
މަގުފަހިވެ، ތިމާވެށި ހިމާޔަތްކުރުމަށް އިތުރު އެހީއަކަށް ވެގެންދާނެ ކަމެކެވެ.
މީގެ އިތުރުން އޯ.ސީ.ޕީ.ޕީ އިން
އިމަރޖެންސީ ރެސްޕޮންސްއާއި ގުޅުންހުރި އިކުއިޕްމަންޓްތައް ފޯރުކޮށްދިނުމަށްފަހު
އެކަމާ ގުޅުންހުރި ތަމްރީނުތައް ކުރިއަށް ގެންދިއުމަށް ވެސް ވަނީ ރާވާފައެވެ.
ފަހުގެ ޚަބަރުތައް
މުހިންމު ލިންކުތައް